kuch sapne jo bas sapne hi reh jaate hain…
kuch kisse jo shuru hone se pehle hi khatam ho jaate hain….
Kuch ehsaas jo apne saath aansuon ka samander late hain….
Aise hi kuch pal hain jo humein ro kar ya hasskar jeena sikha hi jaate hain!!!!
Tere mere beech ki doorie…
aur iss doorie mein tere paas hone ka ehsaas aur hai…
mai jitni karti hun koshish tumhe bhool jaane ki…
utni shiddat se tere yaad aane ka nashaa aur hai…
nam hoti hain ye aankhen…
yaad aati hain jab wo baatien…
unn lamhon me rote hue….
muskuraane ka mazaa aur hai…
dil ke kisi kone main aaj bhi kaid hai…wo khwaabon ka saawan….
Koi sunega toh samjhega paagal mujhe…Par uss paagalpann mein jeene ka mazaa aur hai…
Ek pal mein soch leta hai…
Na jaane kya-kya… ye baanwara mann…
Dard bane aansoo… aur ansoo bane alfaaz…
Aur uss tadap mein tujhko pane ka mazaa aur hai…
